E-Park in Chirang Dist. Bangaldoba Preparing A beautiful Park Likely for Memorial of Bodos Warriors

Dwitun Basumatary

सिरां,बांगालडबा : अक्ट-17/01/2020 फोरमायहरनाय जायोदि आथिखालनि बि.टि.सि खुंथायनि सिंयाव थानाय सिरां जिल्लानि बांगालडबा बांल्बेमा बाजारआव मोनसे जोबोर समायना इक फार्क लुफुंनाय नि खामानिया सोलिगासिनो दं । मोनथिनो मोननाय बादिब्ला बि.टि.सि सरकारनि नैजि लाख रां आरो भारत सरकारनि दाइन लाख रां गासै नैजि दाइन लाख रां अनसुंथायजों बांगालडबा बांल्बेमा बाजारनि साखाथियाव थानाय दुलाराय बर फरायसा आफादनि दरखं मोखांआव बै इक फार्कखौ लुफुंनायनि थांखि लादों।

इक पार्कनि लुबाय थानाय बै खामानिनि नुथायआ जोबोर मोजां जादों आरो लुफुंनाय खामानियावबो मोजांयै मोजां सोलिगासिनो दं। खौरां लानायनि सोंनायआव फोरमायना होदोंदि इक फार्कआ मोनसे बर हारिनि जारिमिनारि थावनि जागोन आरो बांगालडबा बांल्बेमा बाजारनि साखाथियाव थानाय दुलाराय बर फरायसा आफादनि मावखुलि मोखांनि लुबाय थानाय बै इक फार्क खौ बि.टि.सि जानायनि सिगां माखासे समनि सा 372 बरनि उदांस्रि दावहारु जोहोलाव जोहोलावजोफोर आरो माखासे दैदेनगिरिफोरा सरकारि पुलिसनि आखायआव जोथेसालियाव जोबोर गोबां दुखु खस्ट सहायनांनाय सुबुंफोरनि मुंयै लुनाय जागोन होनना फोरमायना होदों।



127 views