ABSU नि आफादगिरि मानाव गेदेर प्रमद बर आ हरखाब आफादनिफ्राय आजिरा लाबाय

The Siphung, Tangla : 13/02/2020 -ABSU नि आफादगिरि मानाव गेदेर प्रमद बर आ हरखाब आफादनिफ्राय आजिरा लानायखौ खोनाना गोबां रायजो राजा फोरनिफ्राय बायदि सोंथि सिखारदों आरो माखासे बादि मानसिनिफ्राइ गोसोआव Negative सान्नाया जाखां फैदों। बिथांआ गोलाव 10 बोसोर मेंनाय गैया बानाय गैया जासे दुलाराय बर फरायसा आफाद नि आफादगिरि महरै हारिनि थाखाय गावनि गोहो आरो मेलेमजों नांबोदोंमोन। गोलाव सम दुलाराय बर फरायसा आफाद नि गिलिर बिबान रुजुननायनि थाखाय रोजा रोजा साबायखर बावहरबाय। आरो दुखुबो फोरमायनो सानो सारनि हरखाब बिबान नागारनायाव।

दा बिथां गेदेमाखौ मानसिफोरा गोबांआनो सोंखारिदों गादिनि लब आवनो बिबानखौ एंगारबाय BTR खौ गाव सालायनोनो थाब सुखथि खालामदोंमोन बायदि बायदि - नाय नोंथांमोन जुदि गेदेमा प्रमद बरआ BTR नि सिप जाबाय अब्ला नोंसोरहा गुन्दै रानगोन ना बर हारिनि खहा जागोन ?

जों बर हारिनि जेंनाया फरायसानि'ल जेंना नङा। जोंनि हारिनि देरसिन जेंनाया जादों राजखान्थि जेंना, जों बयबो सोलायजानो लुबैबाय। मानिजाथाव प्रमद बर बिथांआ जा मावगोन, जों बर हारिनि थाखायनो मावगोन। जोंनो BTR खौ सालायनो गोख्रों दैदेनगिरिनि गोनां जादों। जुदि हाग्रामायानो बेखौ खुंफिनो BTR मोन्नायनिबो जेबो ओंथि थानाय नङा। आरो जायफोर मोनजादों बेसोरल मोनजागोन।

जाय मोनजायिआ मोनजायि 100 बोसोरबाबो बिदिनो थागोन। बेखायनो BTR नि सरखारखौ सोलायजानो लुबैयो। मानाव गेदेर प्रमद बर बिथांआ बुंआखै आंनो सिप जागोन होन्ना माखासे गोसो गाज्रि सुबुंफ्रासो फ़ोसावदों। (ABSU)