71th Republic Day Celebration at Kokrajhar Kajelgaon

Dwitun Basumatary

Kokrajhar: सिरां,काजेलगांव अक्ट-26/01/2020 सिरां जिल्लानि गाहाय थावनि काजेलगांव आव 26 जानुवारि अक्टजों लोब्बा लाखिनानै सुबुं खान्थि सान फालिदों। आथिखाल आव बर'फोरनि गोबाव समनि जेंना बडलेण्ड रायजोआ जाफुंनाय नि समाव दिनै आसाम हादरसानि गोबां जायगायाव 26 जानुवारि सुबुं खान्थि सानखौ फालिनाय नुनो मोनो। गाहायै आसाम हादरसानि जिरलाफोरनि गावबागावनि गाहाय थावनि, रैखाथि बिफानि मावख, सरकारि देहा फाहामसालि, बायदि सरकारि मावख थावनिफोराव दिनै 26 जानुवारि सुबुं खान्थि सानखौ फालिनाइ जायो आरो आसाम राज्यो एबा बि.टि.सि खुंथायनि सिंआव थानाय सिरां जिल्लानि दाब दाब थावनि जेरै-बासुगांव, सिदलि, बिजिनि, कासिकत्रा बायदि जायगाफोराव 26 जानुवारि सुबुं खान्थि सानखौ फालिनायनि खौरां मोनो हानाय जादों।

सिरां जिरलानि बासुगांवआव दिनै सुबुं खान्थि सानजों लोब्बा लाखिनानै बासुगांव सहरनि सुबुंफोरा भारतनि मोनथाम गाबनि फिरफिलाखौ बिरहोयो आरो गासै बासुगांव सहराव सुबु खान्थि सानजों लोब्बा लाखिनानै लामा हान्जा सुरनाय हाबाफारि मावफुंनाय जायो।

सिरां जिल्लानि गाहाय थावनि बिखा काजेलगावआवबो दिनै 26 जानुवारि सुबुं खान्थि सानजों लोब्बा लाखिनानै सुबुं खान्थि सानखौ फालिनाय जायो आरो दिनै फुंनि 9.00 बाजियाव भारतनि मोनथाम गाबनि फिरफिलाखौ सिरां जिल्लानि गाहाय थावनि बिखा काजेलगाव आव गोथारै बिरहोनाय जायो।मिजिं थियो दिनैनि बे 26 जानुवारि सुबुं खान्थि सानआ हादराव गोजोनै सोलिबाय थागोन आरो बरफोरनि आलादा राज्यो बर'लेण्ड आबो थाबैनो बर'फोरनि गेजेराव सौफैगोन।




7 views