7 फेब्रुवारि अक्टआव , बयखौबो लैहोर लैहोर फैनानै बाहागो लाहैनो खावलायहरनाय जाबाइ।

Dwitun Basumatary


कक्राझार, अक्ट-6/02/2020 मिथिहोरनाय जायोदि गाहाय मंत्री नरेन्द्र मडिखौ बरायनो थाखाय कक्राझारनि जांख्रिथाइ फोथाराव गासै रोखोमनि लाहार-फाहार मुखुबै सोलिगासिनो दङ। बयखौबो लैहोर लैहोर फैनानै बाहागो लाहैनो खावलायहरनाय जाबाइ।

कक्राझार सहरनि सानजाहा थानाय गोदान प्लाय अफार जांख्रिथाय फोथारआव हादरनि गाहाय मंत्री नरेन्द्र मडिया फैगौ 7 फेब्रुवारि अक्टआव दाव बायफैगोन।थांनाय 27 जानुवारि खालि दुलाराय बर फरायसा आफाद आरो एनडिएफबि नि मोनब्रै बो दोलोजों जुथायैनो खालामनाय जारिमिनआरि बिटिआर गोरोबथाखौ गुदि खालामनानै बिटिआरनि राज्यो-राजाफोरजों लोगो हमनो थाखाय गाहाय मंत्री नरेन्द्र मडि आरो नखर मंत्री अमित शाहआ फैगौ 7 फ्रेबुवारि खालि कक्राझारनि गोदान प्लाय अफार जों नांजाबफाना थानाय जारिमिन आरि जांख्रिथाइ फोथाराव आव आगान होफैगोन ।

जांख्रिथाइ फोथारनि गाहाय थावनि बिखाआव गाहाय मंत्री नरेन्द्र मडिखौ बरायनो थाखाय, बोहैथि समाव जिल्ला खुंथायजों लोगोसे आसाम सरकारनि खुंथायआरि बिबानगिरि, गोरोबथानि सागान होग्रा आफादनि दैदेनगिरि आरो मावथिफोरा मुखुबै नांथाबनानै दं।जारिमिन आरि गोरोबथानि बे जारिमिन आरि रंजानाय सानखौ गाहायै बानजायगोन मिरु सरकार,आसाम सरकार आरो गोरोबथायाव सागान होग्रा माखासे आफादफोर जेरै-दुलाराय बर फरायसा आफाद,एनडिएबिनि मोनब्रै दोलो आरो इउबिपिअआ।

हादरनि गाहाय मंत्री नरेन्द्र मडिनि बे दावबायनायखौ गुदि खालामनानै हेलिपेणड निफ्राय लानानै गाहाय सायनासालि, लामा, लोंग्रा दै, रैखाथि, मोब्लिब गासै बिथिंनि साखा फाराया मुखुबै सोलिगासिनो दं। हादरनि गाहाय मंत्री नरेन्द्र मडिआ बै सानखालि जांख्रिथाइ फोथाराव लुजानाय अरायथा नङै हेलिपेणड आव फुं समावनो सौफैगोननि बाथ्रा बुंदों।जारिमिन आरि बे रंजानाय सानआव बाङायै 5 लाखनि बांसिन सुबुं फोरा थुबुर जागोन होनना मिथिनो मोननाय जादों।बेखौ लानानै कक्राझार जिल्ला खुंथाइआ नांगौबादि राहा लानायजों लोगोसे जाहाथे मोनबो रोखोमनि खैदां खैफोद जाया बेनि थाखाइ नांगौबादि लानो गोनां गोख्रों राहाफोरखौ लागोन होननाबो मिथिनो मोनबावनाय जादों।




0 views