साम्पाबथि गरागांव राजा लामानि साखाथियाव मोनसे हिन्दुस्थान पेट्रेलियामनि गोलैसोना थानायआ गोबां सुबुंफ

Dwitun Basumatary

Kokrajhar:सिरां,साम्पाबथि अक्ट-2/02/2020। आथिखालनि सिरां जिल्लानि सिङाव थानाय साम्पाबथि गरागांव राजा लामानि साखाथियाव मोनसे हिन्दुस्थान पेट्रेलियामनि गोलैसोना थानायआ गोबां सुबुंफोरखौ सोमोनाहोदों। मिथिनो मोननाय बादिब्ला साम्पाबथि गरागांवआव थानाय बै हिन्दुस्थान पेट्रलियाम नि मुंखौ एम/एस ओइस पि सामथायबारि मुं होनना मिथिनो मोननाय जादों।

एम/एस ओइस पि सामथायबारि हिन्दुस्थान पेट्रलियामआ साम्पाबथि गरागांव गामियाव राजा लामानि साखाथियावनो सा फारसेजों से बिघाफ्राम हायाव दं आरो एम/एस ओइस पि हिन्दुस्थान पेट्रलियाम आव गाहायै गासै मोन थाम थाव दैथायनो हानायनि सुबिदा दंमोन। खौरां मोननाय बादिब्ला साम्पाबथि गरागांवनि बै एम/एस ओइस पि सामथायबारि हिन्दुस्थान पेट्रलियाम खौ थांनाय बोसोर 2019 मायथायनिफ्रायनो गोलैसोना थानाय नुनो मोनदों होनना ओनसोलनि सुबुंफोरा रोखा फोरमायना होदों।

एम/एस ओइस पि सामथायबारि हिन्दुस्थान पेट्रलियाम नि थाव दैथायग्रा बेसादफोरखौ गोबाव समनिफ्रायनो खाथुमना दोन्नाय जादोंमोन आरो दिनै एम/एस ओइस पि सामथायबारि हिन्दुस्थान पेट्रलियामखौ आलाय सिलाय गोलैसोलांना सिलिंखार जालानो नागिरनाय नुथायखौ नुनो मोनदों। थारैनो एम/एस ओइस पि सामथायबारि हिन्दुस्थान पेट्रलियाम नि गोलैसोना सिलिखार जालांनो नागिरनाय बै सावगारिया आथिखाल आव सुबुंनि फारसे दावबायनाय आरो रांखान्थियारि बिथिंआव गोबां गोहोम खोलैदों।





0 views