सुबुंफोरनि आरजाथावयै दाखोर जाबोर गारनाइआ नोगोर सहरनि गोबां दै दानगारग्रा जाम्फैफोरखौ गाज्रि खालामदों

06:45, 2/18/2020] Dwitun Basumatar

The Siphung : Kokrajhar: सिरां, अक्ट-18/02/2020 सुबुंफोरनि आरजाथावयै दाखोर जाबोर गारनाइआ नोगोर सहरनि गोबां दै दानगारग्रा जाम्फैफोरखौ गाज्रि खालामदों। थानो हाथावयि जायगायाव मानसिनि थाग्रा थावनि जाबोनाय आरो नोगोर सहरफोरनि खना खनला थानाय मोनफ्रोम ओनसोलखौ सुबुंआ आवग्रिना लानाइआ गोबां जाइगाखौ लांदांयै थानो थाखाइ खोमाबोदों। दिनै आथिखालानि नोगोर सहरफोराव दाखोर जाबोर गारनो थाखाय मोनसे मोजां थावनि बानायफुंना होनाइ नुनो मोनाखै जाइनि जाहोनाव सुबुंफोरा जाबोर दाखोर गारनो बबेबा फिसा थावनि आरो नोगोर सहरनि दै दानगारग्रा जाम्फै फोरखौ साइखबोनाइ नुनो मोनदों।

नोगोर सहरनि सुबुंफोरा दिनै जाबोर दाखोरफोरखौ सहरनि बाइदि थावनिफोराव आरजाथावयै गारनायजों लोगोसे नोगोर सहरनि दै दानगारग्रा जाम्फै फोरखौ गाज्रि महर फारसे मह'र मोनहोनाइखौ नुनो मोनदों। नोगोर सहरनि गोबां दै दानगारग्रा जाम्फै फोरानो सुबुंनि आरजाथायै जाबोर दाखोर गारनाइजों दिनै खोखां जानो हमनाइ नुनो मोनदों आरो नोगोर सहरनि बै जाम्फैफोरखौ गोमालांनो हमनाइबो नुनो मोननाय जादों।मखनो गोनांदि आथिखालनि हादरसानि दाब दाब जाइगायाव दिनै नोगोर सहरनि बैफोर बाइदि दाखोर जाबोरनि गाज्रि थासारिखौ नुनो मोनदों।बे बाइदिनोदिनै सिरां जिल्लानि मोनसे सहरनि दै दानगारग्रा जाम्फैआव जाबोर दाखोरनि गाज्रि फिथाय जाखां होननाआ मखजाथाव।