ससियेल मेडिया बिजोंफोरनि गेजेरजों दासान्दै BPF आरो UPPL हान्जानि गेजेराव सानफ्रोमबो मोनसेल' बादायला


The Siphung: 15 June 2020

Kokrajhar, ससियेल मेडिया बिजोंफोरनि गेजेरजों दासान्दै BPF आरो UPPL हान्जानि गेजेराव सानफ्रोमबो मोनसेल' बादायलायनाय नुगासिनो- सोर बबे हान्जानिफ्राय ओंखारना सोरनि हान्जायाव लोगो जाहैखो?? एबा सोरनि हान्जायाव गोदानै सा बेसे सोद्रोमा एबा मावथि लोगो जाफैखो, हाबफैखो?? बेल' सै! बेयो हानजा मोनसेनि थाखाय बिसायख'थिनि राजखान्थियारि एजेण्डा जानो हागौ नाथाय बिसायखथिनि गेजेरजों जौगानाय लाबोगोननि एजेण्डा एबा पलिसि जानो हाया। नाङा-फाङा 'ओंखारनाय आरो हाबफैनाय' बिदिन्थिनि गेजेरजों हानजाफोरनि दिन्थियारि बादाय लायनायाव रायजोफोरखौ गोजोमहोना लाखिनानै इयुननि जौगालु बिथिंनि रादायफोरखौ दैदेनगिरिफोरा होआलाबासिनो खारखोमानो सुबिदा मोनदों। खायसेआ रादाय होदों । नाथाय बे रादायफोरखौ मा बोरै मावफुंगोन बेफोरखौ रायजोफोरा खोनासंनो, दैदेनगिरि एबा बिजाथिफोरखौ सोंलु सोंनो जोंहा सम गैया, गोसो गैया,Political Maturity गैया आरो खाबुबो गैया। बे जोंनि मोनसे गुबै जेंना आरो बेनि खाबुखौ दैदेनगिरिफोरा लादों। बि. टि. सि. ओनसोलनि जरखा जेंनाफोरनि लोगोसे सा बेसे बिजाथिफोरा गावबा-गाव बियाबनि Developmental Model नि सायाब खोथा बुंदों????


ओंखायनो जोंनो सोनखारिलायनाय नाङा, नांगौ Debate । मोनफ्रोम बियाबनि साफ्रोम बिजाथिफोरनि गेजेराव मोनसे गेबें बाथ्रानि दान्थे- बिदान्थे( Debate ) नांगौ । सोरनिबा जिउनि Personal एबा Private life नि सल' जोंनो नाङा। जोंनो नांगौ बे ओनसोलनि सोलोंथाय, सावस्रि आरो जिउ राहा एबा बयनिखुरैबो गोनांथारसिन रांखान्थि जौगानाय बायदि बायदि।


Debate नि गेजेरजोंसो बिजाथिफोरनि हारा बेगें आरो थावस्लिब सालायखौ सिनायनो हागोन। अब्लासो मोनफ्रोम राजखान्थि हान्जायानो गुनगोनां, राफोद आरो थि बिजाथिफोरनि सं दानगोन जाहाथे गावसोरनि बिजाथिया बादायारि बिजाथिफोरनिखुरै रायजोफोरनि गेजेराव गनायथि मोनसिननो हायो। सोनाबआरि डेम'क्रेटिक हादोरफोराव जानाय Debate फोरखौ जों ससियेल मेडिया, टि. भि. फोराव नुनो मोनो। मोनफ्रोम बियाबनि गुबुन गुबुन जायगाफोराव जौसां गंसेआवनो बिजाथिफोरनि बे बायदि जथुम Debate फोरखौ खुंफुंनो News Media, NGO एबा राजखान्थिनि आन्थोरजों खारै आफादफोरनि गोनांथि जायो। बे मोनथाम थादेरसाया बर'फोरनि गेजेराव गैया। अब्ला बोरैथो बे जाफुंनो!!!!!



बयबो गावबा गाव हानजानि देरहानायनि खोथा बुंगासिनो। दैदेनगिरिफोरा रायजोनि सिगांआव सासेया गुबुन सासेनि हेंथायै बायदि खोथा बुंनानै सुनै गोदौनाय बायदि खालामना गालाङो। जायनि फिनजाथायाव बिसायख'थि जोबब्लाबो बेनि गोहोमा खारनोनो रोङा । गावसोरहा हले सिं- सिं मोजां-गाज्रि खौरां लालायबाय थागोन। खर' सानाय, गगा मोननाय, लोमजानायनिबो खौरां लालायगोन। लानोबो नांगौ। । नाथाय जहोना Ethics खौ लानानै नङा। अक्सिजेनसो!!!! मा अक्सिजेन बेलाय???? नोंथाङाबो एसे सानदो ! माब्लाबा बिदिन्थिनि गेजेरजों फोरमायसिगोन।



0 views