मुस्लिम आइजोफोरा बो मसजिद आव हाबनो मोनथाइ बिदों।

Dwitun Basumatary

Kokrajhar: गोदान दिल्लि, अक्ट-11/02/2020 फोरमायनाय जायोदि थानांइ 3 फेब्रुवारिनि मोनसे रादाबनि फ्राइ मोनथिनो मोननाय जादोंदि, मुस्लिम आइजोफोरा बो मसजिद आव हाबनो मोनथाइ बिदों। सुप्रिम कर्टआव सबरिमाला मन्दिर आव आइजोफोर हाबनायजों सोमोन्दो थानाय मामलाखौ लानानै सा गु जाथायफोरनि संबिजित पीठआ हेयारिं होदों। बे समाव पीठ आं बिबुंथि होनानै बुंदों, गावसोर बेयावहाइ सबरिमालखौ फिन सावरायनो थाखाय जिरायाखै, नाथाइ गिदिर आइदाखौ रोखा खालामनो थाखायसो जिरायदों।जेराव सबरिमाला मन्दिर आव आइजोफोरा हाबनो हानायनि दाबि दैखांनाइ बायदि मुस्लिम आइजोफोरा बो मसजिद आव हाबनो दाबि दैखांदों। मिरु सरकारनि जानानै सलिसीटर जेनेरेल तुषार मेहताआ दान्थे बिदान्थे खालामनाय खौ जागाय जेनो। सलिसीटर तुषार मेहताआ बुंदों गासिबो हेफाजाब होग्रा आफादनि गेजेराव सोंथि सोंनायाखौ लानानै गनाय लाइनाइ जायाखै। पीठआ सोंथि सोंनायाखौ गावनो रोखा खालाम नांगौ, जाहाथे बेनि सायाव हेयारिं होनना जायो। हेफाजाब होग्रा आफादनि उखिल फली नरीमन आ सा 5 जाजनफोरनि संबिजित पीठनि गेजेरजों गिदिर बेन्सखौ दैथाइ हरनायजों सोंथि दिखांदों आरो बुंदों,बे मामलाआव फिन सावरायनायनि समाव बे बिथिंनि मोनथाइखौ बाहायनो हायो।सिजेआइआ बुंदों, सबरिमाला मालखौ सा 5 जाजनफोरनि बेन्सनो रेपार खालामदों मोन।जेराव सबरिमाला जों लोगोसेनो गुबुन आइदाबो दंफायो।उखिल राजिब धबन आ बुंदों,सबरिमाला मन्दिर मामलनि हेयारिं होनायखौ दोननो हायो।आगुनि हेयारिं होनना आव सा 9 जाजनफोरनि पीठ आ रोखा खालामदों दि,सबरिमाल मन्दिर आव गासिबो बैसोनि आइजोफोरा हानायखौ लानायजों लोगोसे मसजित आव आइजोफोरनि हाबनाइनि आरो पारसी आइजोखौ 'अगियारि' हाबनायखौ होबथानाय आरो दाउदी बहरा हारिनि गेजेराव आइजोफोरनि खथनानि आसारखान्थिनि सायावबो हेयारिं होनना जागोन।



30 views0 comments