मन्थ्रि प्रमिला रानी ब्रह्मआ, बारहुंखाजों सिलिंखार जानाय नखरफोराव सुलाद लाहैदों।


THE SIPHUNG : 11/04/2020

टांगला : 09 एप्रिल 2020 खालारखालि मोनाबिलि 7:15 रिंगासो समाव सिमब्रे सिमब्रायै बारनाय बार हुंखाया गोबां न’खर बिफां लाइफांफोरखौ सिलिंखार खालाम लांदों। BTR नि गासै हादोत नाङैनो न’खर फोरखौ गोबां खहा खालाम लांदों।


हादोत नाङैनो महामारिया करना भाइरासनिफ्राय बारगनो थाखाय लकदाउनखौ मानिना थाबाय थानाय समावनो हर्खाबै अखा गैयालासे थांनाय 09 एप्रिल 2020 खालारखालि मोनाबिलि 7 : 15 रिंगासो समाव सिमब्रे सिमब्रायै बारनाय बार हुंखाया गोबां न’खर बिफां लाइफांफोरखौ सिलिंखार खालाम लांदों।


बारहुंखाजों सिलिंखार जानाय क’क्राझार जिल्लानि सिङाव थानाय तितागुरि ब्लक आरो आमगुरि भि चि डि चिनि बेंखनाव थानाय दलजरा ओनसोलाव दिनै आसामनि सुबुं अनसाइ बिफाननि मन्थ्रि प्रमिला रानी ब्रह्मआ न’खर- न’खर दावबायनानै सुलाद लाहैयो। आरो खहा जानाय गासै बिथिंफोरखौ लानानै सरखारजों सावराय लायगोन होन्नानै बुंथिबावो।


एरैहाय चिरां जिल्लानि रुनिखाता ओनसोलनि उत्तर रुनिखाता रुनिखाता, बोक्सा जिला आरो उदालगुरी जिलानी गुबुन गुबुन ओनसोलफोरावबो थांनाय बारहुंखाया बिफां लाइफां न' बां फोरखौ सिलिंखार खालाम लांदों। ओनसोलनि थागिबि आइ आफा रायजो गोथौयै दुखु मोन्नाय फोरमायदों। आरो थासारिखौ सुलाद लानो थाखाय जिल्ला खुंथायनि खाथियाव आफिल खालाम बावदों।




162 views