बोसोरसिम बैसोनि गासै हौवासा हिनजावसा गथसाफोरनो थरथिंनै फ'लिअ दौनाय हाबाफारि सोलिगासिनो दं

Dwitun Basumatary

Kokrajhar: सिरां,काजेलगांव अक्ट-20/01/2020 आसाम एबा बि.टि.सि खुंथायनि सिंआव थानाय सिरां जिल्लानि दाब दाब जायगायाव 5 बोसोरसिम बैसोनि गासै हौवासा हिनजावसा गथसाफोरनो थरथिंनै फ'लिअ दौनाय हाबाफारि सोलिगासिनो दं।मोनथिनो मोननाय बादिब्ला सिरां जिल्लानि सुनदारि 2 नं फाक्रिगुरि गामिजों लोगोसे गासै 10 गामिफोराव 19/01/2020 अक्ट रबिबार बाराय मैयानिफ्रायनो फ'लिअ दौनाय हाबाफारियाव सोलिदोंमोन होनना खौरां बिजों आव मानिजाथाव गेदेमाजो रिमिस नार्जारि आ फोरमायनाय होदों।बेनि अनगायैबो सिरां जिल्लानि सोलमारी दालाई देहा मेरु आरो सोनाब थांखुबारि गामि बायदि ओनसोलफोराव थरथिंनै फ'लिअ दौवनाय हाबाफारिखौ सोलिनाय नुनो मोनदों। फलिअ दौनाय हाबाफारिखौ 19/01/2020 अक्टनिफ्राय जागायनानै 21/01/2020 अक्ट मंगलबार बारायआव जोबनायनि खौरां मोननो हानाय जादों आरो मानगोनां गेदेमाजो रिमिस नार्जारि नि आखाय आव दा सानदि 2 नं फाख्रिगुरि गामिजों लोगोसे गासै 10 गामि ओनसोलफोराव 313 सा 5 बोसोरनि गथ'साफोरनो गाहामै गाहाम थरथिंनै फलिअखौ होनाय जागासिनो दं होनना मिथिनो मोनबावनाय जादों।

मिजिं थियो बै थरथिंनै फ'लिअ दौनाय हाबाफारिया गामैनो जाफुंलांगोन आरो अराय सम अन्साय जानाय मोननो हागोन आरो जोंनि राज्यो-राजाफोरनि गथ गथायफोरा बै थरथिंनै फ'लिअ दौवनायखौ मोनजाना गाव गावनि जिवआव इयुननि समखौ मोजांयै मोजां अराय सम हान्थिलांनो हाथों।



23 views0 comments