बासुगांव रेलवे लामानि साखाथियाव थानाय मोनसे दखाननि बिल्डिंखौ दिनै बासुगांवआव गोदान प्लाइ अफार जागोन


The Siphung : चिरां, बासुगाव अक्ट-22/02/2020

फोरमाइहनाइ जायोदि आथिखालनि चिरां जिल्लानि सिङाव थानाय बासुगांव आव मोनसे समाइना बिल्डिंआ गोदान प्लाइ अफार नि मुंआव सिफाइ जाबावदों। बासुगांव रेलवे लामानि साखाथियाव थानाय मोनसे दखाननि बिल्डिंखौ दिनै बासुगांवआव गोदान प्लाइ अफार जागोन नि मिजिंजों सिफाइबावनाइ नुथाइखौ नुनो मोनो। मोनथिनो मोननाइ बादिब्ला सिगां समनि दखान सिफाइनाइ खामानि आव आद्रा थालांनाइ खामानि खौ बासुगावआव मावफुबावनाइ जादों होनना सुलुं मोनबावनाइ जादों। दिनै बासुगांवनि राजा इन्टारफ्राइस मोबाइल दखानजों लोगोसे देलाइस्रि दखान बाइदि खौ जेसिबिजों सिफाइबावनाइ नुनो मोननाय जायो। राज्यो-राजाफोरनि होंगो दोंगो आरो रैखाथि बिफाननि सरकारि रौवनिआ हान्जा नि नोजोर होनायखौ बासुगाव सहर बिखायाव मैखोमै नुनो मोननाय जायो। मथर गारि सालाइनो बासुगांव सहरआव एसे बिबांनि उसुबिदा जानाइखौबो दिनै नुनो मोननाय जादों। फोमाइहरनो गोनांदि दिनैनि समाव बासुगांव सहरआव आरोबाव गोदान नै प्लाइ अफार जागोननि मिजिंजों दखान सिफायबावनाइ खामानि आव गासै मोन 3 नि बांसिन दखान- गलाफोरा दुखुनांथावयै सिलिंखार जालांबावनाइखौ नुनो मोननाय जादों।





20 views