बासुगांवनि हालगिरि गामियाव गासै 14 बिघा हायाव, मोनसे फुख्रि बानायनाय खामानि सोलिगासिनो दं।

बासुगांवनि हालगिरि गामियाव गासै 14 बिघा हायाव, मोनसे फुख्रि बानायनाय खामानि सोलिगासिनो दं।

Dwitun Basumatary

Kokrajhar: सिरां, बासुगाव अक्ट-9/02/2020

मिथिहोहरनाय जायोदि आथिखालनि सिरां जिल्लानि सिंआव थानाय बासुगांवनि हालगिरि गामियाव गासै 14 बिघा हायाव, मोनसे फुख्रि बानायनाय खामानि सोलिगासिनो दं। मिथिनो मोननाय बादिब्ला हालगिरि गामिनि बै गोदान फुख्रिआव सिगां मोनसे फिसा बिलो दंमोन आरो दा बै फिसा बिलोखौनो समायनयै मोनसे ना फिसिग्रा फुख्रि बानायनो नागिरदों।

गोदानै बानायफुनो लानाय बै गोदान फुख्रिनि खामानिखौ दासान्दि मोजांयै नों सोलिबाय थानायखौ नुनो मोननाय जादों।गाहायै गोदान मुगानि जेसिबि जों हा बुरना दिखांनाय आरो टेकटरजों हा रोगाना दाबसे गुबुन जायगायाव गारहैनाय बायदि खामानिफोरखौ मुखुबै हालरगिरि गामिनि बै गोदान फुख्रि बानायनाय थावनि आव नुनो मोनबाय थानाय जादों।खौरां लाहैनायनि गेजेरजों सुलुंआव मिथिनो मोनबावनाय बादिब्ला हालगिरि गामिनि बै गोदान फुख्रि बानायनाय खामानि खौ दिनैनिफ्राय 15 साननि सिगां जागायदोंमोन होनना मिथिनो हाबावनाइ जादों ।

गोदानै समायनायै बै फुख्रि बानायनाय खामानिआव गासै 2 फुट फ्राम गोथौयै जेसिबिजों हा जावबाइ थानायखौ नुनो मोनदों आरो दा बै गोदानै बानायफुंनो लानाय गोदान फुख्रिनि गोथौथिखौ सिगांनि गोथौथिजों ज खालामोब्ला 10 फुट गोथौफ्राम जागोन होनना मिथिनो हाबावदों।


0 views