बामुनगांवआव थामथि बर गोरोबथा आरो सरकारजों सावरायफैनाय एनडिएफबि नि माखासे दैदेनगिरिफोरखौ बरायदों

Dwitun Basumatary

सिरां,बामुनगांव। अक्ट-6/01/2020 फोरमायहरनाय जायोदि सिरां जिल्लानि सिङाव थानाय बामुनगांवआव थामथि बर गोरोबथा आरो सरकारजों सावरायफैनाय एनडिएफबि नि माखासे दैदेनगिरिफोरखौ बरायदों। सानजौफु नि 1.30 बाजियाव जानाय सानसेनि बै हाबाफारिखौ बामुनगांव बाजारनिफ्राइ साखाथियावनो थानाय समायना गेवलां फोथार आव जोबोर मेहेर गोनांयै खुफुंनाय नुनो मोननाय जादों।दाब-दाब ओनसोलनिफ्राय गोबां बर फिसा आरो साफा सानै गुबुन हारिनि सुबुंफोरखौ फैनानै बाहागो लाफैनाय नुनो मोननाय जादों। सिरां जिल्लानि सिङाव थानाय बामुनगांव आव जानाय बै हाबाफारिखौ गाहायै सिरां जिल्ला बिपिएफ आरो आमथेखा फ्राइमारि बिपिएफ नि बानजायनायाव खुंफुंनाय जादोंमोन होनना मिथिनो मोनबावनाय जादों। हाबाफारिनि गिबि समाव बरनि हारिमुवारि मोसाग्लांनाय आरो बरनि सासे मुंदांखा मेथाय रोजाबगिरि प्रबिन बरनि मिलौहाब देंखो रोजाबनाय नुनो मोननाय जादों आरो हाबाफारि नि सोलिलांबाय थानाय बादियै थामथि बर गोरोबथाजों सोमोन्दो गोनां आलासि फोरखौ बामुनगांव बाजारनि साखाथियाव थानाय समायना गेवलां फोथारनि जौबस्रांआव दान्दिसे उनाव गाखोफैनाय नुनो मोननाय जायो। राज्यो-राजाफोरनि रंजा बाजा बरायनाय थासारियाव गाहायै सरकारनो हाथियार गथायफैनाय एनडिएफबि (एस) आफादनि लेङाय आफादगिरि जि.बिदाइ आरो बि.सावरायगोरा सार मोनखौ राज्यो-राजाफोरनि गेजेराव नुजाथि फैनाय नुनो मोननाय जायो‌।बेजों लोगोसे दिरेन बर एम फैलाव मोनखौबो बारायजानाय आलासि महरै बामुनगांव बाजारनि समायना गेवलां गेलेग्रा फोथाराव नुजाथि फैनाय नुनो मोननाय जायो।





26 views0 comments