बे खेबसेआव बोइबो सोलायनाय खो नागीरखांदों !!!
The Siphung : 07/03/2020 Bijni :
मैया 06 मार्च २०२० ऑक्टो खालि, बिजनी लावगामि थेंफाख्रि फोथाराव खुंफुंनाय गुदि बाथौ गौथुमनि गेवलां मेलआव हाग्रामा महिलारी बिथिङा जागायजेन्नायनिफ्राय जोबजासिम राजखान्थिनिल बाथ्रा बुंबाय, लोगोसे प्रमद बर'नि बिबान एंगारनाय समाव माहारिनि फिरफिलानि खुन्थियाखौ गोबाना गाबनायखौ हिन्जाव गारजाना गाबदों होनना लाजिफोनांनाय रावजों जोबजासे गाज्रि रावजों सोंखारिबाय नाथाय बर'नि गुदि बाथौ धोरोमनि सोमोन्दै फंसेबो राव बुङाखिसै,इयुन जोलैनो बाथौ धोरोमनि जेबो गियान सोना होलाङासै, बेनि अनगायै बिथाङा बाथौ धोरोम सिबियारि रायजो राजाफोरखौ लाजिफोनांनाय रावजों गावनो Vote होना देरहाहोनोसो खावलायबाय। थारैनो बेयो जोबोद दुखुनांथाव आरो लाजिनांथाव बाथ्रा, मानोना हाग्रामा महिलारीया दिनै बर'नि गुदि बाथौ धोरोमखौ लाजिफोनांनाय जादों। थारैनो दिनै रोखा जाबाय जे हाग्रामा महिलारीया राजखान्थि गेलेनायनि अनगायै बर'नि गुदि बाथौ धोरोम आरो हारि सिबिनायनि जेबो गियान गैया। मानोना दिनै बिथाङा हारि आरो धोरोमनि सोमोनदै फंसेबो बाथ्रा बुङाखिसै।
