फमेश्वर हाजोनि गोथार सिब मन्दिर आव सानथामनि हाबाफारि जों शिबरात्रिनि फुजा फालिनो नागिरदों


Dwitun Basumatary

The Siphung : चिरां,डांटल अक्ट-21/02/2020 फोरमाइहरनाइ जायोदि चिरां जिल्लानि दाबसे बयजोंबो मिथिसार जानाय फमेश्वर हाजोनि गोथार सिब मन्दिर आव सानथामनि हाबाफारि जों शिबरात्रिनि फुजा फालिनो नागिरदों। राभाफारा गामिनि राभा सुबुंनि थागिफोर आरो किनाबोरगांव गामिनि बर सुबुंफोरा फमेश्वर हाजोनि गोथार सिब मन्दिर नि गाहाय थावनि बिखाखौ समाइनायै साजाइनाइआव गोबां नांथाबबोदों। हाजो सेरनि औवा बिफानजों गाहाय साइना सालिखौ साजाइनाइनिफ्राइ लानानै हाग्रा दानस्रांनाइ , बिफां फोसाबनाय आरो बिफांनि गुदि बाहागो आव सुनै फोननानै होनाइ बाइदि खामानि फोरखौ जरखायै नुनो मोननाय जादों। मखजाथाव दि फमेश्वर हाजोनि बै गोथार सिब मन्दिर जों दिमाकुमुरि दैसाआ अराइ सम स्राइ स्राइ बोहैलांदों आरो पमेश्वर हाजोनि गोथार बै सिब मन्दिर आ राभाफारा गामिनि फमेश्वर हाजोनि गुदिआवनो दं।

आथिखालनि डांटल रेलवे स्टेसन निफ्राइ खोलाहा बुंनो थाङोब्ला 3 कि.मि फ्राम जानथायाव फमेश्वर हाजोनि गोथार सिब मन्दिरआ दं। खौरां लानायनि गेजेरजों सुलु मोननाय बादिब्ला राभाफारा गामिनि गोथार सिब मन्दिर आव देग्लाय बोसोरनि शिबरापत्रि फुजाखौ जेबो हेंथा गैया लासे जोबोर गाजा गोमजायै खुंफुंनाइ जागोन होनना नै फोरमायना होदों।राभाफारा गामिनि फमेश्वर हाजोनि गोथार सिब मन्दिर आव सानथामनि हाबाफारि जों खुफुंनो लानाइ शिबरात्रि फुजाखौ गाहायै बानजाइगोन राभाफारा गामिनि राभा हारिनि हौवा हिनजाव राज्यो-राजा सुबुंफोर आरो डांटल किनाबोरगांव गामिनि बर हारिनि राज्यो-राजा सुबुंफोर। मोनथिनो मोनबावनाय बादिब्ला फमेश्वर हाजोनि गुदिआव थानाइ राभाफारा गामिनि गोथार बै सिब मन्दिर आव शिबरात्रि फुजा खुंफुंथाइ आफादनिफ्राय बयखौबो लैहोर लैहोर बराइदों होनना मिथिनो मोननाय जादों।


16 views