दिनै सिरां जिल्लानि बै मथर साइकेल हान्जा सुरनाय हाबाफारि आव गासै 1200 फ्राम मथर साइखेलखौ

Dwitun Basumatary

सिरां,काजलगांव अक्ट-6/02/2020। गाहाय मंत्रि नरेन्द्र मदिखौ गाबोन 7 फेब्रुवारि अक्टआव कक्राझारनि जांख्रिथाय फोथारआव बरायनो साखा फारा जानायनि सानसे सिगां दिनै सिरां जिल्ला आव मथर साइखेलनि हान्जा सुरनाय हाबाफारि नुनो मोनदों। दिनै सिरां जिल्लानि बै मथर साइकेल हान्जा सुरनाय हाबाफारि आव गासै 1200 फ्राम मथर साइखेलखौ दुलाराय बर फरायसा आफादनि फिरफिला आरो एनडिएफबि आफादनि सिनायथि गोनां फिरफिला लाना मथर साइखेलजों हान्जा सुरनाय हाबाफारि आव बाहागो लानायखौ नुनो मोननाय जायो।

मोनथिनो मोनबावनाय बादिब्ला दिनै सिरां जिल्लानि गाहाय थावनि बिखा खाजेलगांव निफ्राय बै मथर साइकेल हान्जा सुरनाय हाबाफारिखौ फुंनि 10 बाजियाव जागायदोंमोन होनना बुंना होदों। खौरां लानायनि सोंनायाव फोरमायना होदोंदि बै मथर साइकेल हान्जा सुरनाय हाबाफारि जों दिनै सिरां जिल्लानि दाब दाब थावनिखौ गिदिंजोबनाय जागोन होनना। बुंनो थाङोब्ला दिनै सानजौफुनि 11.30 बाजिसोआव सिरां जिरलानि सुनदारि,डांटल आरो बासुगांव बायदि थावनिफोराव बै मथर साइकेल नि हान्जा सुरनाय हाबाफारि खौ जाफूहोनाय नुनो मोननाय जायो‌।







84 views