थांनाय 2009 माइथायनि समाव सम्फाबथि दैसाआव बाला आरो अन्थाइ नि बिबांखौ गोबां नुनो मोनो

[2:36 PM, 3/1/2020] Dwitun Basumatary Kokrajhar:

The Siphung: चिरां, चम्फाबथि अक्ट-1/03/2020 बाला आरो अन्थायनि बांद्राय बाहायनायआ आसामनि मिथिंगायारि सम्पापति खौ खहा खालामनाइजों लोगोसे दैसा सेरनि हाफोरखौ खहा खालामगासिनो दं। सुबुं अनजिमानि बाबोबाइ थानाय जाहोनाव दिनै मिथिंगायारि सम्फथिफोखौ बारानिफ्राइ बारा बाहाइबाइ थानाय खौ नुनो मोनदों। नोगोर सहराव न लुनो थाखाय दिनै बाला आरो अन्थायनि गोनांथि जाबोनाय आव दैसानिफ्राइ गोबां बिबांनि बाला आरो अन्थाय दिखांजानाइ खामानिया बांलांनो हमदों। दैज्लां-मेसें बोसोरफ्रामबो आसाम हादरसा नि गुबुन गुबुन दैसा फोरनिफ्राय बाला आरो अन्थाय दिखांबाइ थानाय खामानि आव दैसानि गोथौवथि बाराइलांनाइ आरो दैसा सेरनि हाफोरखौ दैज्लां बोथोरनि समाव खुरखाना फोजोबनाय नुथाइ फोरखौ नुनो मोनबाय थानाय जादों।



मखजाथाव दि आथिखालनि चिरां जिल्लानि सिङाव थानाय बासुगांवनि अदेबानि कक्राझार सालाकाटि एन.टि.पि.सि कम्फानि नि साखाथियाव थानाय चम्फाबथि दैसानि मोनसे सोलाइनाइ नुथाइआ सोमोनांथाव। थांनाय 2009 माइथायनि समाव सम्फाबथि दैसाआव बाला आरो अन्थाइ नि बिबांखौ गोबां नुनो मोनो | नाथाय फैबाय थानाय समाव दिनै बोसोर 10 नि उनाव देग्लाय 2020 माइथायनि समाव बाला आरो अन्थायनि गोबां खमाइलांनाइ नुथाइखौ नुनो मोननाइ जादों। बुंनो थाङोब्ला थारैनो इयुआव बाला आरो अन्थायखौ चम्फाबथि दैसानिफ्राइ मोननो गोब्राब जानानै फैनो हागौ।


दिनै आथिखालानि चम्फाबथि दैनि बिखायाव थानाय हा खुरखानाइखौ होबथानो थाखाइ बाहायनाय अन्थाय बलडारनि प्रटेकसन फोरखौबो सिलिंखार जालांनाइनि फारसेसो आगान सुरलांगासिनो थानायसो नुनो मोनबावनाय जादों। बुंनो थाङोब्ला थारैनो बैफोर दैसा निफ्राइ बाला आरो अन्थाय बोखांनाइ खामानि आ नांगौ नि बांसिन सोलिलांबाय थायोब्ला आरो जोंनि मिथिंगायारि सम्फथिफोखौ जों सानै हरै बाहाइलाइआब्ला आरो रैखाथि होनो रोंलाइआबोला सानसे जोबोत खहानि फिथाइआ नुजाथिगोन। एसेनोसै




26 views