जोबोर दुखुनि बाथ्रा रायजो राजाफोरा दिनै बेरेंसि दैनि दैज्लां बोथोराव हा खुरखानायखौ बेसेबांबा गोबाव..

Dwitun Basumatary

Kokrajhar: सिरां,सिदलि अक्ट-21/01/2020। सिरां जिल्लानि सिंआव थानाय बेरेंसि दैया बोसोरफ्रोमबो हा खुरखाना आबाद मावग्रा हा आरो बारि बागाननि खहा खालामो। राज्यो-राजाफोरा दिनैसिम गोबां नाजाबाय नाथाय बेरेंसि दैनि दैज्लां बोथोराव दै उसिफावना हा खुरखानायखौ होबथानो हाया। जोबोर दुखुनि बाथ्रा रायजो राजाफोरा दिनै बेरेंसि दैनि दैज्लां बोथोराव हा खुरखानायखौ बेसेबांबा गोबाव समनिफ्रायनो सहायना दं।बेरेंसि दैनि साखाथियाव थानाय सानजा बैराजरा,आमलायगुरि गामि ओनसोलनि गोबां बर'फोरनि हायाबो दिनै बेरेंसि दैजों खावसेफ्राम सिलिंखार खालामजाबाय।बेरेंसि दैनि साखाथियाव गोदो गोदायनिफ्रायनो आलो आलो राइजो जाबोनाय सानजा बैराजरा आरो आमलायगुरि गामि ओनसोलनि मानसिफोरा दिनै बेरेंसि दैनि हा खुरखानायनि जाथायखौ होबथानो हानाय मोजां सुबिदाखौ जोबोर लुबैदों मानोना दिनै बेरेंसि दैनि दैज्लां बोथोरनि हा खुरखाबाय थानाय जाथायआव सानजा बैराजरा गामिनि कमला औवारि नि बारि बागानजों लोगोसे औवा आरो बायदि रोखोमनि बिफां लायफांनि दैज्लांफ्रोमबो खहा जाबाय थायो आरो आमलायगुरि गामिनि हरेन बसुमथारि नि गायग्रा हायाबो बोसोरफ्रोमबो बेरेंसि दैजों लांजाबाय थायो।

मोनथिनो मोननाय बादिब्ला दिनैसिम बेरेंसि दैनि हा खुरखानायजों सानजा बैराजरा गामिनि कमला औवारनि बारि बागाननि हाया खावसे बिघाफ्राम आरो आमलायगुरि गामिनि हरेन बसुमथारिनि गायग्रा हाया नै बिघाफ्राम बेंरेंसि दैजों जोबोर दुखुनांथावयै लांजाबाय होनना खौरां मोननाय जादों।





0 views