चीन हादरआव सोमजिनाय गिख्रंथाव करना भाईरास निफ्राय साफ्रोमबो रायजो राजाफोरखौ सांग्रांयै थानो थाखाय

Dwitun Basumatary

सिरां अक्ट-4/02/2020। चीन हादरआव सोमजिनाय गिख्रंथाव करना भाईरास निफ्राय साफ्रोमबो रायजो राजाफोरखौ सांग्रांयै थानो थाखाय खावलायनाय जाबाय। मोनथिनो मोननाय बादिब्ला चीन हादराव करना भाईरासजों सा 300 निबो बारा सुबुंनि जिउ खहा जाबाय आरो 14000 नि बारा सुबुंआ बे भाईरासजों साग्लोब जाना देहा फाहामसालियाव दं। आथिखाल मुलुगनि गुबुन गुबुन हादरफोराव बे भाईरासखौ साग्लोबबाइ थानायनि खौरां मोननो हादों।बबेखानि बै करना भाईरासखौ गाहायै जिबौ जिबनिफ्राय जोनोम जादों होनना मिथिनो मोननाय जादों बेनि अनगायैबो लैथोआव मोननाय नाथुर, ना आरो बायदि रोखोमनि जाग्रा बेसादफोर निफ्राय करना भाईरासखौ साग्लोबनो हागौ होनना फोरमान मोनदों।

बुंनो गोनां बाथ्राआ बेनोदि करना भाईरासखौ भारत हादराआवबो सौफैनायनि सुलुं मोनबाय। केरेलानि चीन हादराव फरायनाय सासे फरायसाखौ बे भाइरासजों साग्लोब जानायनि इंगित मोनदों आरो सा-सानजा भारतनि त्रिपुरा हादरसानि मालयेसिया हादरआव खामानि मावहैनाय सासे भारतआरि सुबुंनि करना भाईरासजों साग्लोब जाना जिउ खहा जानायखौ मिथिनो मोनदों।आसामनि देहा बिफाननि मन्र्थि पिजुस हाजरिकाआ खौरांगिरिफोरनि सिगांआव फोरमायनाय बादिब्ला आसामआव बे भाईरास खौ साग्लोबनायनि रोखा फोरमान मोथआखै।थेवबो नाथाय राज्यो-राजाफोरखौ सांग्रांयै थानो खावलायदों मानोना केरेला निफ्राय फैनाय आसाम मरिगांवनि सासे सुबुंखौ बै करना भाईरासजों साग्लोब जानायनि इसारा मोनदों आरो दा बै करना भाईरासजों भुगिनांनाय सुबुंखौ जि.एम.सि देहा फाहामसालियाव फाहामथाइ होगासिनो दं होनना मिथिनो मोनबावनाय जादों




30 views0 comments