एन.डि.एफ.बि बर बिग्रायआरि हानजानि गायसनगिरि रन्जन दैमारिया जेलनिफ्राय उदां मोननायनि बेयल मोनबाय

Dwitun Basumatary

Kokrajhar: अक्ट-25/01/2020 फोरमाइ हरनाय जायोदि जिउ जोबजासे जोबथेसालिनि साजा होजानाय एन.डि.एफ.बि बर बिग्रायआरि हानजानि गायसनगिरि रन्जन दैमारिया जेलनिफ्राय उदां मोननायनि बेयल मोनबाय। दिनै आसामनि गोजौ बिजिरसालिया बिथांखौ माखासे आवथायआव उदां जानायनि गनायथि होयो होनना मिथिनो मोननाय जायो।खौरां मोनबावनाय बादिब्ला बिथां रन्जन दैमारि सारआ जोब्थेसालिनिफ्राय उदां जाखांनायनि उनाव दिल्लिआव थांनानै बर'फोरनि थामथि गोरोबथानि सायाव भारत सरकारजों सावरायगोन आरो आसाम हादरसानि खुंनाय थासारिया थाबैनो सोलायगोन। गोबाव समनिफ्राय दुखु खस्थ सहायना थाबोनाय बर'फोरनि गेजेरावआव बडलेण्ड रायजोआ थाबैनो दाफुंजानायनि लामायाव फैगोन।